Act 4 | AAK | STEP | Awau' ámá ayo sɨnɨ urarí̵ná apaxí̵pánɨŋí̵ imónɨgí̵á wa tí̵nɨ aŋí̵ rɨdɨyowá yarɨgí̵iwámɨ awí mearoarɨgí̵áyo seáyɨ e imónɨŋo tí̵nɨ Sajusiowa tí̵nɨ awa nɨbɨro awau' nure'wapɨyiri “Jisaso wiápí̵nɨmeaŋí̵ nánɨ ámá ní̵nɨ enɨ wiápí̵nɨmeapí̵rí̵árɨnɨ.” urarɨŋagí̵i arí̵á wíí̵á eŋagɨ nánɨ wigí̵ xwioxí̵yo dánɨ dɨŋí̵ rí̵á ápiáwí̵nɨŋí̵ nɨwóróa nuro

Acts 4

Pitaomɨ tí̵nɨ Jonomɨ tí̵nɨ gwí̵ yigí̵á nánɨrɨnɨ.

1 Awau' ámá ayo sɨnɨ urarí̵ná apaxí̵pánɨŋí̵ imónɨgí̵á wa tí̵nɨ aŋí̵ rɨdɨyowá yarɨgí̵iwámɨ awí mearoarɨgí̵áyo seáyɨ e imónɨŋo tí̵nɨ Sajusiowa tí̵nɨ awa nɨbɨro awau' nure'wapɨyiri “Jisaso wiápí̵nɨmeaŋí̵ nánɨ ámá ní̵nɨ enɨ wiápí̵nɨmeapí̵rí̵árɨnɨ.” urarɨŋagí̵i arí̵á wíí̵á eŋagɨ nánɨ wigí̵ xwioxí̵yo dánɨ dɨŋí̵ rí̵á ápiáwí̵nɨŋí̵ nɨwóróa nuro 3 í̵á nɨxɨrɨro rɨxa sí̵á eŋagɨ nánɨ wí̵áríná xwɨrɨxí̵ ume'wanɨgɨnɨrɨ gwí̵ aŋí̵yo ŋwɨrárɨgí̵awixɨnɨ. 4 E e'agí̵a aiwɨ Pitao urarí̵ná arí̵á wíí̵áyí̵ obaxí̵ wí Jisasomɨ dɨŋí̵ wɨkwí̵rogí̵awixɨnɨ. Sí̵á ayi dɨŋí̵ wɨkwí̵róí̵áyí̵ ámá xámɨ dɨŋí̵ wɨkwí̵rogí̵áyí̵ tí̵nɨ nɨkumɨxɨnɨmáná oxí̵ ní̵nɨ 5,000 imónɨŋɨnigɨnɨ.

Pitaomɨ tí̵nɨ Jonomɨ tí̵nɨ xwɨrɨxí̵ umegí̵á nánɨrɨnɨ.

5 Sá wegí̵áwa wí̵á tí̵nɨ Judayí̵ wigí̵ umeŋweagí̵áwa tí̵nɨ ámɨnáowa tí̵nɨ ŋwí̵ ikaxí̵ eánɨŋí̵pɨ mewegí̵áwa tí̵nɨ Jerusaremɨyo awí neánɨróná 6 apaxí̵pánɨŋí̵ imónɨgí̵áyo seáyɨ e wimónɨŋo —O Anasoyɨ rɨnɨŋorɨnɨ. O tí̵nɨ oyá ámá axí̵gwíowa Kaiapaso tí̵nɨ Jono tí̵nɨ Arekɨsadao tí̵nɨ agwiówa enɨ awí eání̵áwa tí̵nɨ awí neánɨro ŋweaŋáná 7 Pitaomɨ tí̵nɨ Jonomɨ tí̵nɨ gwí̵ aŋí̵yo dánɨ nɨmeámɨ nɨbɨro awí eánɨgí̵áyo áwɨnɨ e e'í̵ uráráná yarɨŋí̵ re wigí̵awixɨnɨ, “Sɨkwí̵ ikí̵ eŋomɨ píránɨŋí̵ nɨwimɨxɨrí̵ná arɨge wíí̵írɨnɨ? Pí eŋí̵ eánɨŋí̵pimɨ dánɨranɨ, yoí̵ goyápimɨ dánɨranɨ, neríná awagwí e'í̵ípɨ e'í̵írɨnɨ?” urí̵agí̵a 8 Pitao kwíyí̵ Gorɨxoyápɨ ayá wí sɨxí̵ wínɨŋagɨ nánɨ nɨwiápí̵nɨmearɨ re urɨŋɨnigɨnɨ, “Isɨrerene neameŋweagí̵oyí̵ne' tí̵nɨ negí̵ ámɨnáoyí̵ne' tí̵nɨ 9 yawawi sɨkwí̵ ikí̵ eŋí̵ romɨ naŋí̵ imɨxí̵wí̵ípɨ arɨge neri naŋí̵ imɨxí̵írí̵anɨrɨ agwɨ nɨjí̵á imónanɨro nánɨ yarɨŋí̵ yeaiarɨŋagí̵a nánɨ 10 apɨ nánɨ soyí̵ne' nɨjí̵á xɨxenɨ imónɨpí̵rɨ nánɨ áwaŋí̵ bɨ osearɨmɨnɨ. Ámá naŋí̵ imóní̵í̵ re e'í̵ roŋí̵ ro yawawi Nasaretɨ dáŋí̵ Jisasɨ Kiraisomɨ dánɨ —Omɨ Isɨrerene rí̵wí̵ umóáná íkí̵áyo yekwɨroárí̵agí̵a aiwɨ Gorɨxo ámɨ sɨŋí̵ wimɨxí̵agɨ nánɨ wiápí̵nɨmeaŋorɨnɨ. Omɨ dánɨ ámá ro naŋí̵ imóní̵í̵rɨnɨ. 11 ‘O gorí̵anɨ?’ mɨyaiwipa e'poyɨ. Bɨkwí̵yo nɨrɨnɨrɨ eánɨŋí̵pɨ tí̵nɨ xɨxenɨ sí̵ŋá aŋí̵ mɨrarɨgí̵oyí̵ne' ‘Sɨpíorɨnɨ.’ nɨrɨrɨ emɨ mogí̵o Gorɨxo nɨmearɨ aŋí̵ xí̵o mɨrarɨŋiwámɨ iwamí̵ó nɨtɨwayɨrorɨ eŋo, ayí̵ ná wonɨ onɨrɨnɨ. 12 Ámá nene yeáyí̵ neayimɨxemeapaxí̵ imónɨŋí̵ ámɨ wo menɨnɨ. Gorɨxo ámá nene yeáyí̵ neayimɨxemeapaxí̵ imónɨŋo nánɨ nɨnearɨrí̵ná ámá ní̵nɨ xwí̵á rɨrí nɨrímɨnɨ ŋweagí̵áyo aiwɨ yoí̵ ámɨ wo nánɨ nɨrɨrɨ nearɨŋí̵manɨ. Ayí̵ ná wonɨ onɨrɨnɨ.” urɨŋɨnigɨnɨ.

13 Xwɨrɨxí̵ umearɨgí̵áwa Pitao tí̵nɨ Jono tí̵nɨ masɨsí̵á bɨ mɨwí rarɨŋagí̵i nɨwɨnɨróná awau' sɨkurí̵á megí̵íwau' aga kɨnɨxowau' eŋagí̵i nánɨ nɨjí̵á nimónɨro nánɨ ududí̵ nero “Awau' arɨge neri nɨjí̵á awau' rarɨgí̵ípɨ imónɨgí̵írí̵anɨ?” nɨyaiwiróná rɨxa sɨŋwí̵ mí nɨwómɨxɨro re yaiwigí̵awixɨnɨ, “Awau' Jisaso tí̵nɨ emeagí̵íwau'rí̵anɨ?” nɨyaiwiro 14 ámá sɨkwí̵ ikí̵ eŋí̵ naŋí̵ imóní̵o awau' tí̵nɨ nawínɨ roŋagɨ nánɨ ámɨ xwɨyí̵á bɨ murɨpaxí̵ imónɨgí̵awixɨnɨ. 15 E nerɨ aiwɨ awau'mɨ sekaxí̵ “Awagwí xwɨrɨxí̵ eamearɨŋwá re pí̵nɨ nɨwiárɨmɨ bí̵arɨwámɨnɨ bɨ ŋweápiyɨ.” nurɨmáná wigí̵pɨ xwɨyí̵á nimɨxɨro 16 re rɨnɨgí̵awixɨnɨ, “None awau'mɨ pí wianí̵wɨnɨ? Ámá oxí̵ apɨxí̵ ní̵nɨ Jerusaremɨ re ŋweagí̵áyí̵ emɨmí̵ seáyɨ e imónɨŋí̵ e'í̵ípɨ nánɨ rɨxa nɨjí̵á imónɨŋoɨ. Ayɨnánɨ none wí ‘Awau' me'í̵írɨnɨ.’ urɨpaxí̵ mimónɨŋagɨ aiwɨ 17 xwɨyí̵á awau' rarɨgí̵ípɨ ámɨ sɨnɨ bɨ tí̵nɨ nɨrɨga nuro ámá ní̵nɨ rɨnɨmepí̵rɨxɨnɨrɨ awau'mɨ íkwairɨrí̵ nɨwirane ‘Awagwí ámɨ arí̵kí bɨ tí̵nɨ ámá Jisasoyɨ rɨnɨŋo nánɨ mure'wapɨyipa eri xwɨyí̵á murɨpa eri e'piyɨ.’ ouraneyɨ.” nɨrɨnɨro 18 “Awau' ámɨ obí̵piyɨ.” nɨrɨmáná ŋwí̵ ikaxí̵ re urɨgí̵awixɨnɨ, “Awagwí ámɨ arí̵kí bɨ tí̵nɨ Jisaso nánɨ mure'wapɨyipa eri xwɨyí̵á murɨpa eri e'piyɨ.” urí̵agí̵a aiwɨ 19 Pitao tí̵nɨ Jono tí̵nɨ re urɨgí̵isixɨnɨ, “Gí̵mɨnɨ gí̵pɨ Gorɨxoyá sɨŋwí̵yo dánɨ xɨxenɨ rí̵a imónɨnɨ? Yawawi Gorɨxo yearɨŋí̵pɨ nɨxí̵dɨrai nerí̵ná ‘Awau' Gorɨxoyá sɨŋwí̵yo dánɨ naŋí̵ yarɨŋiɨ.’ rɨseaimónarɨnɨ? O yearɨŋí̵pɨ me' soyí̵ne' yeararɨgí̵ápɨ nɨxí̵dɨrai nerí̵ná ‘Awau' Gorɨxoyá sɨŋwí̵yo dánɨ naŋí̵ yarɨŋiɨ.’ rɨseaimónarɨnɨ? Sewanɨŋoyí̵ne' dɨŋí̵ nɨmoro rí̵poyɨ. 20 Ayí̵ rɨpɨ nánɨ rarɨŋwiɨ. Yawawi wɨnɨgwí̵ípɨ tí̵nɨ arí̵á wigwí̵ípɨ tí̵nɨ wí pí̵nɨ nɨwiárɨrɨ mɨrɨpaxí̵ meŋagɨ nánɨ rarɨŋwiɨ.” urí̵agí̵i 21 awa iwaŋí̵ me'pepaxí̵ imónɨŋí̵pɨ nánɨ pí̵á nɨmegɨnɨro nánɨ ámɨ íkwairɨrí̵ bɨ tí̵nɨ nɨwia nu'í̵asáná ámá ní̵nɨ awau' e'í̵ípɨ nánɨ Gorɨxomɨ yayí̵ seáyɨmɨ umearɨŋagí̵a nánɨ awau'mɨ sa wárɨgí̵awixɨnɨ. 22 Ámá emɨmí̵ neri naŋí̵ imɨxí̵ío, o xegí̵ xwiogwí̵ rɨxa 40 nɨmu'rorɨ ámɨnáo eŋagɨ nánɨ ámá ní̵nɨ Gorɨxomɨ yayí̵ seáyɨmɨ nume'ra ugí̵awixɨnɨ.

Gorɨxomɨ xwɨyí̵á rɨrɨmí̵ wigí̵á nánɨrɨnɨ.

23 Xwɨrɨxí̵ umearɨgí̵áwa awau'mɨ wáráná awau' egí̵ nɨkumɨxɨnɨro yarɨgí̵áyí̵ tí̵ŋí̵ e nánɨ nuri apaxí̵pánɨŋí̵ imónɨgí̵á xwe'owa tí̵nɨ wigí̵ Judayí̵ ámɨnáowa tí̵nɨ urí̵á nɨpɨnɨ nánɨ repɨyí̵ nɨwia u'agí̵i 24 ayí̵ arí̵á e nɨwimáná dɨŋí̵ ná bɨnɨ tí̵gí̵áyí̵ nimónɨro Gorɨxomɨ xwɨyí̵á rɨrɨmí̵ nɨwiro re urɨgí̵awixɨnɨ, “Ámɨnáoxɨnɨ, joxɨ aŋí̵na tí̵nɨ xwí̵árí tí̵nɨ rawɨrawá tí̵nɨ imɨxɨrɨ amɨpí ní̵nɨ ayo nɨyonɨ yarɨŋí̵pɨ imɨxɨrɨ eŋoxɨrɨnɨ. 25 Xwɨyí̵á joxɨyá rɨpɨ dɨxí̵ kwíyí̵pimɨ dánɨ negí̵ arí̵o Depito —O dɨxí̵ rɨnáínɨŋí̵ nimónɨrɨ omɨŋí̵ siiagorɨnɨ. O nɨrɨrɨ Bɨkwí̵yo rí̵wamɨŋí̵ re eaŋí̵rɨnɨ, ‘E'máyí̵ pí nánɨ mɨxí̵ rí̵á ápiáwí̵ nɨwerí̵nɨŋí̵ imónɨgí̵awixɨnɨ? Pí nánɨ wigí̵ surí̵má imónɨní̵ápɨ nánɨ ipɨmoárɨgí̵awixɨnɨ? 26 Ámɨná Gorɨxomɨ tí̵nɨ ámá xí̵oyá dɨŋí̵ tí̵nɨ xiáwowayá xwí̵á piaxí̵yo dánɨ niwiarorɨ yeáyí̵ uyimɨxemeáwɨnɨgɨnɨrɨ urí̵peaŋomɨ tí̵nɨ awau'mɨ mɨxí̵ ináyí̵ xwí̵á tí̵yo dáŋí̵ tí̵nɨ ámáyo umeŋweagí̵áwa tí̵nɨ mɨxí̵ wianɨro nánɨ mɨxí̵ e'pí̵mɨxamoro xopɨrárí̵ wianɨro nánɨ awí neánɨro egí̵awixɨnɨ.’ Depito dɨxí̵ kwíyí̵pɨ tí̵nɨ e nɨrɨrɨ eaŋí̵rɨnɨ. 27 Apɨ tí̵nɨ xɨxenɨ aŋí̵ rɨpimɨ dánɨ mɨxí̵ ináyí̵ Xeroto tí̵nɨ gapɨmaní̵ Podiasɨ Pairato tí̵nɨ e'máyí̵ ámɨ wa tí̵nɨ negí̵ Isɨrerɨyí̵ tí̵nɨ dɨxí̵ riwaxo Jisasomɨ —O dɨxí̵ rɨnáínɨŋí̵ nimónɨrɨ siiarɨŋorɨnɨ. Sɨyikwí̵ bɨ mínɨŋorɨnɨ. Omɨ xopɨrárí̵ wianɨro nánɨ awí eánɨgí̵awixɨnɨ. 28 E nerɨ aiwɨ joxɨ mají̵á imónɨŋí̵pɨ yanɨro nánɨ awí reánɨgí̵awixɨnɨ? Oweoɨ, sa Gorɨxoxɨ eŋíná eŋí̵ neánɨrí̵ná pí pí e e'í̵rɨxɨnɨrɨ ipɨmoáragí̵pɨnɨ yanɨro nánɨ awí eánɨgí̵awixɨnɨ. 29 Ámɨnáoxɨnɨ, agwɨ joxɨ awa íkwairɨrí̵ nɨneairo nearí̵ápimɨ dɨŋí̵ kɨkayoɨ. Nene dɨxí̵ rɨnáíwane'nɨŋí̵ nimónɨrane siiarɨŋwae'ne dɨxí̵ eŋí̵ eanɨŋí̵yo dánɨ sɨmɨxí̵ tí̵gí̵áyo píránɨŋí̵ wimɨxɨrane dɨxí̵ riwaxo Jisaso, sɨyikwí̵ mínɨŋomɨ dánɨ emɨmí̵ bɨ tí̵nɨ ayá rɨwamónɨpaxí̵ bɨ tí̵nɨ wíwapɨyirane nerí̵ná ayá igigí̵ me' xwɨyí̵á joxɨyápɨ xɨxenɨ uraní̵wá nánɨ eŋí̵ sɨxí̵ bɨ neaeámɨxeɨ.” 31 Gorɨxomɨ xwɨyí̵á e nurɨmáná eŋáná re eŋɨnigɨnɨ. Aŋí̵ ayí̵ awí neánɨro ŋweagí̵iwá sɨrí̵ nuga uŋɨnigɨnɨ. Sɨrí̵ nuga warí̵ná kwíyí̵ Gorɨxoyápɨ ayá wí sɨxí̵ wínɨŋɨnigɨnɨ. Ayá wí sɨxí̵ wínɨŋáná xwɨyí̵á Gorɨxoyápɨ ayá bɨ me' xɨxenɨ nure'wapɨya ugí̵awixɨnɨ.

Jisasoyá sɨyikí̵ imónɨgí̵áyí̵ xɨxe nɨnowiayí̵ inɨgí̵á nánɨrɨnɨ.

32 Ámá Jisasomɨ dɨŋí̵ nɨwɨkwí̵roro axí̵pɨ imónɨgí̵áyí̵ dɨŋí̵ xɨxegí̵nɨ bɨ bɨ mɨmó axí̵pɨnɨ nɨmóa nuróná re yayagí̵árɨnɨ. Wigí̵yí̵ wo xegí̵ amɨpí bɨ eŋáná “Ayí̵ aga nɨgí̵nɨrɨnɨ. Negí̵ imónɨŋí̵yí̵ womɨ arɨrá nɨwirí̵ná apɨ wipaxí̵ menɨnɨ.” yaiwiagí̵ámanɨ. “Wone wone negí̵ amɨpí, ayí̵ nɨnenenɨyánɨŋí̵ imónɨnɨ.” yaiwiagí̵árɨnɨ. 33 E nero wáí̵ wurɨmeiarɨgí̵áwa eŋí̵ sɨxí̵ eánɨŋí̵ Gorɨxo imónɨŋí̵pɨ ámáyo sɨwá nɨwirí̵ná Jisaso xwárɨpáyo dánɨ nɨwiápí̵nɨmeámɨ emearɨŋagɨ sɨŋwí̵ wɨnarogí̵ápɨ nánɨ repɨyí̵ wiayarí̵ná Gorɨxo naŋí̵ ayá wí nɨwikára uŋɨnigɨnɨ. 34 Ayí̵ rɨpɨ nánɨrɨnɨ. Wigí̵yí̵ wí amɨpí bɨ nánɨ anɨŋí̵ dí̵wí̵ nikeamóga warɨŋagí̵a sɨŋwí̵ mɨwɨnɨpa yagí̵árɨnɨ. Xwí̵á tí̵nɨ aŋí̵ tí̵nɨ surí̵má eŋí̵pɨ tí̵gí̵áyí̵ nɨgwí̵ nánɨ bí̵ nero nɨgwí̵ xe'í̵ápɨ nɨmeámɨ nɨbɨro 35 wáí̵ wurɨmeiarɨgí̵áwamɨ mɨnɨ wíáná awa wigí̵ wí dí̵wí̵ ikeamónarɨgí̵áyo wipaxí̵pɨ tí̵nɨ xɨxenɨ yaŋí̵ nɨwia wagí̵árɨnɨ. 36 E ne'ra nuróná wigí̵ wo Josepoyɨ rɨnɨŋo —O Judayí̵ aiwɨ xiáweyí̵ Ripaiyí̵ eŋagɨ nánɨ sɨyikí̵ Ripaiyí̵ worɨnɨ. Pɨrɨŋwí̵ Saipɨrasɨ dánɨ xɨrɨŋorɨnɨ. Wáí̵ wurɨmeiarɨgí̵áwa yoí̵ sɨŋí̵ bɨ Banabaso —Yoí̵ mí̵kí̵ ayí̵ eŋí̵ rɨre'mɨxí̵ yarɨŋo eŋagɨ nánɨrɨnɨ. Yoí̵ e wí̵rɨgí̵orɨnɨ. 37 O enɨ xwí̵á surí̵má bɨ tí̵ŋorɨnɨ. Apɨ bí̵ nemáná nɨgwí̵ xe'í̵pɨ nɨmeámɨ nɨbɨrɨ wáí̵ wurɨmeiarɨgí̵áwa negí̵ uyípeayí̵yo yaŋí̵ owípoyɨnɨrɨ mɨnɨ wiŋɨnigɨnɨ.